කැරොල් ගීතයේ ඇරඹුම.
නත්තලේ සිරි අසිරි මවමින් හුදී ලෝකවාසී ජනයා නත්තල් බැති ගී ගයා නත්තලේ සැබෑ අරුත ඒකාලෝක කරනු ලබයි.ලෝකේ පළමු නත්තල් බැති ගීය 4 වෙනි සියවසේ රෝමයේදී නිර්මාණය වූ බව සැලකේ. කාලය ගත වීමත් සමගම 12 වෙනි ශතවර්ෂය වන විට එකල තිබූ ප්රසිද්ධ සිංදු මෙලඩි වලට නත්තල් ගීත ලියා මිනිස්සුන්ට දැනෙන ආකාරයට නත්තල් ගීත සෑදුන බව ඉතිහාසයේ සදහන් වේ.13 වන ශතවර්ෂයේ දී ප්රංශය, ජර්මනිය, ඉතාලිය වැනි රටවල නත්තල් ගීත ජනප්රිය වූ අතර ඒ.ජෝන් ඕඩිලේ දේවගැති තුමාගේ උත්සාහයක ප්රතිඵලයක් ලෙස ඉංග්රිසියෙන් ලියවුණු නත්තල් බැතී ගීත 25ක ඇල්බමයක් ක්රි.ව. 1426 දී නිර්මාණය විය.
මෙකී නත්තල් ගීත කොටස් කිපයකි.
1.නත්තල් ගී /කැරොල් ගී
2.පසම් ගී
3.කන්තාරු ගී
කැරොල් ගීත යනු විනෝදය මුසු වුන ගීත විශේෂයකි.විශේෂයෙන්ම පල්ලියක් ඉදිරිපිට කණ්ඩායමක් මේ ගීත ගායනා කරනු ලබයි. කැරොල් හරහා සතුට , සෞභාග්ය සංකේතවත් කරයි.පසම් ගීත ගායනා කරනු ලබන්නේ ජේසුස් වහන්සේගේ දුක්ප්රාප්තිය නිමිති කරගෙන වේ. පසම් ගී දේවස්ථානයක වුවද අඩුවෙන් ගායනා කරන අතර සමූහ ගායනයන් සිදු කරයි. කන්තාරු යනු දේවස්ථාන වල ගායනා කරන ස්තෝත්ර වේ.කත්තාරු ගීතිකා දේව මෙහෙයකදී පූජකයන් විසින් සහ බැතිමතුන් විසින් ද ගයනු ලැබේ.
ලන්දේසි යුගයේ දී ලංකාවට පැමිණි ජුසේ වාස් පියතුමාගේ සහායක පූජකතුමෙක් වුණ ජාකෝම් ගොන්සාල්වේස් පියතුමා විසින් 1730 දී මංගල ගීතය නම් පොතක් රචනා කර ඇත.අත් අතුරු පිටපතක් විදිහට තිබූ මේ කෘතිය 1873 දී මුලින්ම සංස්කරණය කර මුද්රණය කිරීමේ සම්පූර්ණ වගකීම දරා ඇත්තේ සිංහල භාෂාවේ පඬිතුමෙක් වන ඩොමින්ගෝ විජයසිංහ කතෝලික මුදලිතුමයි. මුඛ පරම්පරාවෙන් පැවත ආ "දෙවිදු උපන්නේය සතුනි " ගීතය 1967 දී නයිනමඩමේ සංගීතඥයෙක් වුන ජේ.කේ.එස්. පෙරේරා මහතා අපරදිග ස්වර ලිපියකට නගන්නට විය.එමෙන්ම රජතුන් කට්ටුව නම් නාඩගම් ඇසුරින් නත්තල් නාඩගම් ගීත කලාවක් බිහි විය. විදෙස් නත්තල් ගීත ආභාෂයෙන් බැහැර වී ලංකාවේ නත්තල් ගීත නිර්මාණය වෙන්නට වූයේ මර්සලීන් ජයකොඩි පියතුමාගෙනි. 1934 දී එතුමා පදරචනයෙන් සහ තනු නිර්මාණයෙන් දායක වූ "රෑ තරු බබලනවා" ගීතය නිර්මාණය කරන ලදි.මෙලෙසින් නත්තල හැඩ කරන ගීතිකාවල උපත සනිටුහන් විය.
No comments:
Post a Comment